Jeremiah 31

1Ngalesosikhathi, ^a itsho iNkosi, ngizakuba nguNkulunkulu wensapho zonke zakoIsrayeli; ^b bona-ke bazakuba ngabantu bami. 2Itsho njalo iNkosi: Abantu babaseleyo benkemba bathola umusa enkangala; ngitsho uIsrayeli, lapho ngisiyamphumuza. ^c 3INkosi yabonakala kimi ikhatshana isithi: Yebo, ngikuthandile ^d ngothando olulaphakade, ^e ngakho-ke ngikudonsile ngothandolomusa. ^f 4Ngizabuya ngikwakhe, ^g wakheke, wena ntombi emsulwa yakoIsrayeli; uzabuya uvunuliswe ngezigujana zakho, ^h uphume phakathi kokugida ⁱ kwabathokozayo. ^j 5Uzabuya uhlanyele izivini phezu kwezintaba ^k zeSamariya; ^l abahlanyeli bazahlanyela, badle izithelo ▼

▼ badle izithelo: Heb  bazingcolise.

. 6Ngoba kuzakuba khona usuku abazamemeza ngalo abalindi entabeni yakoEfrayimi ⁿ besithi: Sukumani, senyuke siye eZiyoni, eNkosini uNkulunkulu wethu. ^o 7Ngoba itsho njalo iNkosi: Mhlabeleleni uJakobe ngentokozo, ^p limemezele phakathi ^q kwenhloko yezizwe; ^r zwakalisani, dumisani, lithi: Nkosi, sindisa abantu bakho, ^s insali yakoIsrayeli. 8Khangelani, ngizabaletha bevela elizweni lenyakatho, ^t ngibabuthe ^u emaceleni omhlaba; ^v phakathi kwabo kukhona iziphofu labaqhulayo, ^w abesifazana abakhulelweyo lababelethayo ndawonye; bazabuya lapha belibandla elikhulu. 9Bazabuya belokukhala, ^x ngizabakhokhela belokuncenga; ^y ngizabahambisa emifuleni yamanzi ^z ngendlela eqondileyo, ^aa abangayikukhubeka kuyo; ngoba nginguyise kaIsrayeli, ^ab loEfrayimi ^ac ulizibulo lami. ^ad

10Zwanini ilizwi leNkosi, lina zizwe, lilimemeze ezihlengeni ezikhatshana, lithi: Yena owachitha uIsrayeli uzambutha, ^ae amgcine, njengomelusi umhlambi wakhe. ^af 11Ngoba iNkosi imhlengile uJakobe, yamhlawulela ^ag emsusa esandleni solamandla kulaye. ^ah 12Ngakho bazakuza bahlabelele ekuphakameni kweZiyoni, ^ai bagelezele ^aj kokuhle kweNkosi, ^ak ngamabele, ^{al , am} langewayini elitsha, ^{an , ao , ap} langamafutha, ^aq langamazinyane ezimvu, lenkomo; lomphefumulo wabo ube njengesivande esithelelweyo, ^ar kabasayikubuya babe losizi. ^as 13Khona intombi izathokoza ekugideni, ^at lamajaha labadala kanyekanye; ngoba ngizaphendula ukulila kwabo kube yintokozo, ngibaduduze, ngibathokozise, bangabi losizi. ^au 14Njalo ngizasuthisa umphefumulo wabapristi ngamanono, ^av labantu bami bazasuthiswa ngokuhle kwami, itsho iNkosi.

15Itsho njalo iNkosi: Ilizwi lezwakala ^aw eRama, ^ax ukulila, ukukhala inyembezi okubuhlungu kakhulu; ^ay uRasheli ekhalela abantwana bakhe, esala ukududuzwa ngabantwana bakhe, ngoba bengasekho. ^az 16Itsho njalo iNkosi: Bamba ilizwi lakho ekukhaleni, lamehlo akho ezinyembezini; ngoba kulomvuzo womsebenzi wakho, itsho iNkosi, ngoba bazabuya bevela elizweni lesitha. ^ba 17Kukhona-ke ithemba enzalweni yakho, ^bb itsho iNkosi; ngoba abantwana bakho bazabuyela emngceleni wakibo. ^bc

18Ngizwile lokuzwa uEfrayimi ezililela ^bdesithi: Ungilayile, njalo ngalaywa njengethole elingathambanga; ngiphenduka, njalo ngizaphendula; ^be ngoba uyiNkosi uNkulunkulu wami. 19Isibili emva kokuphenduka kwami, ^bf ngazisola, lemva kokufundiswa kwami ngatshaya phezu kwethangazi lami; ^bg ngaba lenhloni, njalo ngayangeka, ngoba ngathwala ihlazo lobutsha bami. ^bh 20UEfrayimi uyindodana yami eligugu yini, ungumntwana wami othokozisayo yini? ^bi Ngoba selokhu ngakhuluma ngimelene laye, ngisamkhumbula ngoqotho; ngenxa yalokho imibilini yami iyakhala ngaye; ^bj isibili ngizakuba lesihawu kuye, kutsho iNkosi.

21Zibekele izitshengiso zendlela, ^bk uzimisele izinsika zeziqondiso, ubeke inhliziyo yakho kumgwaqo omkhulu, ^bl indlela owahamba ngayo; ^bm phenduka, ntombi emsulwa yakoIsrayeli, uphendukele kule imizi yakini. 22Koze kube nini uzulazula, ^bn ndodakazi ehlehlela nyovane? ^bo Ngoba iNkosi idale into entsha emhlabeni: Owesifazana uzahanqa indoda. ^bp

23Itsho njalo iNkosi yamabandla, uNkulunkulu kaIsrayeli: Bazabuya batsho lelilizwi elizweni lakoJuda lemizini yakho, lapho ngibuyisela ukuthunjwa kwabo: ^bq Kwangathi iNkosi ingakubusisa, ^br khaya lokulunga, ^bs ntaba yobungcwele. ^bt 24Njalo kuzahlala kulo uJuda layo yonke imizi yakhe ndawonye, ^bu abalimi labahamba lemihlambi. 25Ngoba ngisuthise ^bv umphefumulo okhatheleyo, ^bw ngigcwalise wonke umphefumulo ophela amandla. 26Ngasengiphaphama, ngabona; lobuthongo bami babumnandi kimi.

27Khangela, insuku ziyeza, ^bx itsho iNkosi, lapho ngizahlanyela indlu kaIsrayeli lendlu kaJuda ^by ngenhlanyelo yabantu ^bz lenhlanyelo yenyamazana. 28Kuzakuthi-ke njengalokho ^ca ngibalindile ^cb ukuthi ngisiphune ^cc lokuthi ngidilize ^cd lokuthi ngichithe ^ce lokuthi ngibhubhise ^cf lokuthi ngenze okubi, ngokunjalo ngizabalinda ^cg ukuze ngakhe ngihlanyele, ^{ch , ci} itsho iNkosi. 29Ngalezonsuku kabasayikuthi: ^cj Oyise badlile izithelo zevini ezimunyu, amazinyo abantwana asetshelela. ^ck 30Kodwa ngulowo lalowo uzafela ububi bakhe; ^cl wonke umuntu odla izithelo zevini ezimunyu, amazinyo akhe azatshelela.

Isivumelwano esitsha

31Khangela, ^cm insuku ziyeza, ^cn itsho iNkosi, lapho ngizakwenza isivumelwano esitsha ^co lendlu kaIsrayeli lendlu kaJuda; 32kungeyisikho njengesivumelwano engasenza laboyise mhla ngibamba isandla sabo ^cp ukubakhupha elizweni leGibhithe, osivumelwano sami bona abasephulayo, lanxa mina ngangingumyeni wabo, ^cq itsho iNkosi. 33Kodwa yilesi isivumelwano engizasenza lendlu kaIsrayeli ^cr emva kwalezonsuku, itsho iNkosi: Ngizafaka umlayo wami emibilini yabo, ^{cs , ct} ngiwubhale enhliziyweni yabo, ngibe nguNkulunkulu wabo, ^cu labo babe ngabantu bami. 34Kabasayikufundisa-ke, ngulowo lalowo umakhelwane wakhe, langulowo lalowo umfowabo, esithi: Yazi iNkosi; ngoba bonke bazangazi, ^cv kusukela komncinyane wabo kuze kufike komkhulu wabo, ^cw itsho iNkosi; ngoba ngizathethelela isiphambeko sabo, ^{cx , cy} lesono sabo kangisayikusikhumbula. ^{cz , da}

35Itsho njalo iNkosi, enika ilanga libe yikukhanya emini, ^db izimiso zenyanga lezezinkanyezi zibe yikukhanya ebusuku, ^dc enyakazisa ulwandle ukuze amagagasi alo ahlokome; ^{dd , de} iNkosi yamabandla libizo layo. ^df 36Uba lezozimiso ^dg zingasuka phambi kwami, itsho iNkosi, inzalo yakoIsrayeli layo izaphela ekubeni yisizwe phambi kwami zonke insuku. ^dh 37Itsho njalo iNkosi: Uba engalinganiswa amazulu phezulu, ^di zihlolwe izisekelo zomhlaba phansi, lami ngizayala yonke inzalo yakoIsrayeli ^dj ngenxa yakho konke abakwenzileyo, itsho iNkosi.

38Khangela, insuku ziyeza, ^dk itsho iNkosi, lapho umuzi uzakwakhelwa iNkosi, kusukela emphotshongweni kaHananeli ^dl kuze kufike esangweni leNgonsi. ^dm 39Lentambo yokulinganisa isezaphuma maqondana layo ^dn kuze kube soqaqeni lweGarebi, ^do iphendukele ngaseGowa. ^dp 40Lesihotsha sonke sezidumbu ^dq lesomlotha, lawo wonke amasimu kuze kufike esifuleni seKidroni, ^dr kuze kufike engonsini yeSango lamabhiza ngempumalanga, ^ds kuzakuba yibungcwele beNkosi. ^dt Kakuyikusitshunwa ^du kakusayikudilizwa kuze kube nininini. ^dv